Napaka action filled ng araw na ito para sa akin.

Pumunta kaming Mall ng tatay ko para bumili ng handa ng kuya ko, noong pauwi na kami, malapit na kami sa bayan ng lugar namin, Sa gitna ng farm, biglang tumigil ang jeep, nag brake ng napakalakas lahat kaming pasaheros parang namagnet sa lakas at may nag sisisgaw na lalaki. nadinig ko: “May babaril sa akin! may babaril sa akin!” biglang bumilis na yung tibok ng puso ko, kasi akala ko nabaril na siya o nadisgrasya sila. tapos may sumabit sa harap ng jeep yung lalaki at iniwan ang kanyang tricycle sa gitna ng daan sabi niya may humababol daw sa kanya at papatayin siya, bumibilis na yung tibok ng puso ko. hindi pa umaandar yung jeep ang bilis ng pangyayari, sumisigaw yung jeepney driver,“Umalis ka diyan! nandadamay ka pa ng tao! Umalis ka diyan!”  tapos kami naman nakatingin lang sa harap tapos titingin sa likod. sakto nasa likod/tabi kami ng labasan ng jeep ng tatay ko, nakita ko may lalaking nakamotor at nakatingin sa jeep. tapos biglang nagtago/pumasok sa jeep yung kondoktor para bang isasafe niya yung sarili niya nung pumandar na yung jeep kabado pa din kaming lahat. sabi ng kondoktor nakita daw niya na may dalang baril yung dalawang lalaki na nakasakay sa single na motor. habang nakasabit yung lalaki sa harap ng jeep, kami naman tumitingin sa likod baka sumunod yung nakamotor na may baril pero di na sumunod. hanggang may bumababa na sa mga bahayan,lahat ng bumababa nagmamadali dahil sa takot. bumababa na din yung lalaki, matanda pala siya. habang naglalakad yung lalaki tinitignan namin siya. hindi ko alam kung talagang babarilin siya o naka drugs lang pero sabi ng kondoktor na may baril talaga yung dalawang lalaking naka single motor. 

Nakakatakot yung experience na yun akala ko talaga nadisgrasya sila o ano. Hindi ko talaga alam kung may topak lang yung lalaki o may babaril talaga sakanya. Talamak na talaga ngayon ang riding in tandem. tsk tsk. ano naman kaya mapapala nila sa pagpatay, bukod sa magkakaroon pa sila ng kasalanan, pwede pa sila makulong. Hay. Godbless Philippines.

Happy Birthday Kuya!

Birthday bukas ng kuya ko. binigyan niya ako limang daan. hahahaha punta daw akong jollibee bukas bibili ng isang bucket ng chicken joy. anak ng! pumayag na din ako kasi araw naman nya bukas. sabi ko sakanya, bibilhan na kita ng promise kong regalo, yung clay doh ng bench, pero sabi niya wag nalang daw yun, sabi niya bilhan ko nalang daw siya ng pabango sa penshoppe, pumayag naman ako kasi mura lang yun 100+ or masmura yung clay doh? hahahaha. Sa totoo lang hindi kami close ng kuya ko, lagi kami nag aaway niyan, sa pagkain, sa pera, nag aaway kami dahil maingay ako, paki alamera, pakalat kalat gamit ko sa computer desk, nag away kami dahil sa siomai nitong nakaraang araw lang dahil tag apat dapat kami pero bigla niyang kinuha yung isa, nainis ako kaya sumigaw na naman ako, yun sinauli niya yung sioma matching balibag sa table yung toyo medyo natapon, nakaka inis! tapos nung di ko naubos nasa table pa yung siomai, pinapaalis niya agad yung mga kalat ko doon, di ko nilinisan kaya tinapon niya yung siomai sa sink. Nakakainis at naikwento ko na din dati yung matindi naming away noon ni kuya ko dito (x).bugbugan talaga, para akong lalaki makipag away, nag away kami noon dahil sa madaming rason. batuhan. grabe, ako kawawa kasi malaki katawan ng kuya ko pero kawawa din siya kapag nababato ng kung ano ano. Naiinggit nga ako sa iba kasi close sila ng kuya nila, bigayan, ganito ganyan, naiinggit ako. pero narealized ko kagabi na di ko kailangan mainggit sa iba. kasi kung mahal mo yung kapatid mo, matatanggap mo kung ano siya. kahit ganun yun. kahit masmahal pa niya yung Aura rose, Band master o ano pang nilalaro niya, kahit masmahal pa niya yung Motor nya, Kahit kapag nag aaway kami, kahit muntikan niya na ako suntukin sa mukha, kahit hingi ng hingi ng pera, Mahal ko padin siya. Sana mag aral ka na ulit at mag samba! Aysh!